ضحكت..مـــ قلبى ــــــن

سبحان الله عايزة بس أعرف

ما أصل الخيم الرمضانية؟؟..ما جعلنى اكتب وعلى الفور هذة المهازل التى تحدث فيها

حقيقى انا لم اعرفها إلا من خلال الشاشة لاننا ولله الحمد ما عندنا هنا

وانا اقلب فى المحطات التليفزيونية استوقفتنى بعض اللقاءات داخل الخيم؛قلت أشوف اية اللى بيحصل

المذيع عمل لقاء مع بنتين تافهتين (وأنا لا اتبلى عليهم)فيظهر هذا جلياً فى طريقة كلامهم وملابسهم ووقفتهم

المهم بيسألهم :كيف تقضون اليوم فى رمضان فردت واحدة: أنا بصحى من النوم وأصلى وأقرأ قرآن!!!قرآآآآآآآآآآآآآآن؟؟ وأصلى!!!!!!!!!!وبعدين....

طيب كيف؟؟اقنعونى؟؟كيف بتقف ادام ربنا وهى لابسه ملابسها والتى يطلق عليها(هدوم..من غير هدوم)؟؟انا عايزة اعرف هى بتضحك على مين؟؟هذا فى رمضان أمال فى الايام العادية ايش بتلبس؟؟ المهم جة دور التانية:قالت وهى بتتراقص من الدلع وتسبسب فى شعرها:انا بساعد ماما..المذيع:بتساعديها فى المطبخ؛هى:لا لا..انا بساعدها فى انى باكل الاكل(ضحكتينى يا مسلمة)..ذكرونى بقولة لأحدى الراقصات بتقول: انا ملتزمة من البيت للكبارية ومن الكبارية للبيت

وجت الصورة على مطرب بيغنى فى هذة الليالى(سبحان الله)نظرت هكذا وشئ داخلى يردد بصوت عالى

((ولا تجعلو الله أهون الناظرين أليكم))..أذكر انى ذات يوم من فترة طويلة؛؛ من استعجالى ارتديت اسدال الصلاة مقلوب (حتى أصلى)وكانت لا تفرق معى إلى أن قالت لى قريبة..أعدلى الاسدال انتى لو هتقابلى صديقة لكى كنتى هتطلعى لها كدة؟؟لا تجعلى الله أهون الناظرين اليكى..حينها نظرت لها خجلا ومن حينها والله وأنا اوضب حالى حين الصلاة أمام المرآة

آمنت بشئ الان..أن شياطين الجن تحجب فى هذا الشهر ولكن هناك شياطين الانس أمثال المقيمين على الليالى المجونية الساهرة (ليس تعبدا فى هذا الشهر ولكن ان صح التعبير BUSINESS وأمثالهم عموما من الفنانات تجد ان أحداهن أمثال ابليسا (أقصد اليسا) فدائما ما تجد على السنتهم كلام غير منطقى لحالهم أمثال(أنا الحمدلله ربنا وفقنى ووقفلى اولاد الحلال وعملت الكليب المسخرة دة(كلمة مسخرة من عندى مش على لسانهم طبعا)وللا فيلم عشان ربنا يحبك ..اقسم اننى لم احضرة ولكن ذات يوم سمعت اسمة فسألت واحدة اية اللى في الفيلم دة (دة عشان اسمه)قالت المفروض يسموة(عشان ربنا ميحبكش)طبعا فهمت القصة..اية اللى صار فى الدنيا ايعقل ان الله يحب هذة المهازل بل ويساعدهم ويوفقهم على حد قولهم لهذا..لا والله..أن الله يؤخرهم الى أجل غير مسمى ولو استعجل عقابهم لقضى أمرهم فى الحال

وتتعجبو إذا سمعتم كثرة حوادث الاغتصاب حتى فى رمضان؟؟

أقول لأمثال هؤلاء أن الله لا يغير ما بقوم حتى يغيروا ما بأنفسهم

تحياتى لكم ولا تنسوا السحور والفجر..بنت سيناء